Na procura dunha educación pública 100% dixital

educación dixital Galicia

O presidente da Xunta de Galicia, Alberto Núñez Feijóo, destacou o 6 de setembro na rolda de prensa do Consello, a consolidación da Educación Pública 100% dixital cun acordo marco que permitirá adquirir 30.000 novos portátiles ao longo dos vindeiros dous anos.

Cunha achega de 14,8 millóns de euros, Feijóo aseverou que poderán acceder a estes equipos os novos centros do Proxecto Abalar que se incorporen ao uso do libro dixital. O acordo permitirá comprar os equipos que se precisen, en función das necesidades e da evolución desta iniciativa.

Durante a rolda de prensa, o responsable do Goberno galego tamén resaltou que neste curso 2018-2019, un total de 267 centros e 18.000 alumnos, un 70% e máis dun 50% máis que o curso pasado, respectivamente, empregarán o libro dixital e se beneficiarán do paquete de
melloras que se comezou a implantar de xeito progresivo o pasado curso e que se completará neste:

-A incorporación dun novo provedor de contidos, a Editorial Planeta, que se suma ás 750 unidades didácticas dos provedores Netex Learning e Edebé

-A contratación dun cuarto provedor de contidos para a materia de Inglés

-A posta en marcha do servizo para que sexan os propios profesores quen creen contidos educativos dixitais, que se chamará DIXIT

-A entrada en funcionamento dun servizo de soporte premium para os alumnos, familias e profesores que: prestará atención remota as 24 horas e os 7 días da semana e atención presencial en 64 puntos repartidos por toda a xeografía galega grazas á colaboración con pemes do sector TIC

A iniciativa Escolas conectadas, na que a Xunta e o Goberno central están a investir máis de 17 millóns de euros, permite que o 100% dos centros públicos de primaria e secundaria conten neste novo curso, o primeiro da historia da comunidade, cun acceso a internet cun mínimo de 100 megas.

Deja un comentario

Tu dirección de correo electrónico no será publicada. Los campos obligatorios están marcados con *